鴻星中菜 (形點) (Closed)

服務一次比一次差，如果你去食要預咗無服務可言，之前飲茶食過幾次，因為佢有半份點心叫，如果兩個人食，想食多啲種類嘅話非常之好，今次去發覺佢由半份點心變咗做一粒點心叫，咁咪貴咗好多？$17一粒蝦餃，咁我都冇理，叫咗兩粒，再叫咗叉燒包$12一粒x2，蝦春卷，燒乳鴿，雞扎，金錢肚，黃橋燒餅，同埋佢炒粉麵飯都有細份同大份，因為依家兩個人限聚令，食完碟炒麵都食唔到其他點心啦，所以佢有細碟非常貼心我叫咗碟細分嘅花菇炒伊麵，原來佢依家做緊八八折最後埋單三百幾，折完價錢可以接受，總括來講嘢食OK最鍾意佢大部份菜式都可以嗌細份，可以食多啲種類