Video
Read full review
2015-11-21
452 views
好醉但又好肚餓，夜媽媽突然好想食燒味，突想起芯怡開 24 小時喎，即刻大埔飛的士去買外賣啦！一別 14 個月無黎幫襯。醉爆四點 AI 食燒味，仲要食鬼晒一粒飯都無剩！就係因為太好味囉！莫非雞鴨都係零晨新鮮運到？堅係超水準表現。權記執左後，食左幾次盈昌硬嗅雞、一品乳豬乾鞋雞、行樂軒普通雞，終於比我搵到一絲曙光喇！仲要係 24 小時營業添。雞髀鴨髀飯！吓，無燒鵝？有鴨無鵝無辦法，夜媽媽粗粗地食住先。兩位阿姐都笑容滿面、熱情招待，貴賓一樣，讚！由阿姐操刀，見佢不慌不忙，柔韌有餘手起刀落！必殺光速斬！乾淨利落，走得！返屋企慢慢嘆。我唔客氣喇，起動！斬得大細適中又無骨碎，兩髀皆幼滑細緻。切雞髀，雞味濃厚兼帶清爽甜雞味，高質到爆！黃油雞？深黃色薄薄雞皮嫩滑無比，蓋著少少雞油使到雞肉更加香口，不油不膩。充滿肉汁而彈牙雞髀肉搭上乾爽飯粒，再撈上蔥油豉油，好味到震！停到口至奇啦！燒鴨髀，皮香肉嫩，百年難得一遇薄而香口又唔肥既鴨皮，鴨肉仲要勁香滑勁入味帶著勁清甜香料味道，肉汁又澎湃！兩隻髀搞到我興奮度爆燈，全部食晒都未夠喉呢！
好醉但又好肚餓，夜媽媽突然好想食燒味，突想起芯怡開 24 小時喎，即刻大埔飛的士去買外賣啦！一別 14 個月無黎幫襯。醉爆四點 AI 食燒味，仲要食鬼晒一粒飯都無剩！就係因為太好味囉！莫非雞鴨都係零晨新鮮運到？堅係超水準表現。
權記執左後，食左幾次盈昌硬嗅雞、一品乳豬乾鞋雞、行樂軒普通雞，終於比我搵到一絲曙光喇！仲要係 24 小時營業添。
雞髀鴨髀飯！吓，無燒鵝？有鴨無鵝無辦法，夜媽媽粗粗地食住先。兩位阿姐都笑容滿面、熱情招待，貴賓一樣，讚！由阿姐操刀，見佢不慌不忙，柔韌有餘手起刀落！必殺光速斬！乾淨利落，走得！返屋企慢慢嘆。我唔客氣喇，起動！斬得大細適中又無骨碎，兩髀皆幼滑細緻。
切雞髀，雞味濃厚兼帶清爽甜雞味，高質到爆！黃油雞？深黃色薄薄雞皮嫩滑無比，蓋著少少雞油使到雞肉更加香口，不油不膩。充滿肉汁而彈牙雞髀肉搭上乾爽飯粒，再撈上蔥油豉油，好味到震！停到口至奇啦！
燒鴨髀，皮香肉嫩，百年難得一遇薄而香口又唔肥既鴨皮，鴨肉仲要勁香滑勁入味帶著勁清甜香料味道，肉汁又澎湃！兩隻髀搞到我興奮度爆燈，全部食晒都未夠喉呢！
Post
