雲來軒 (Closed)

夜晚去咗雲來軒同班朋友食飯，呢度係走新派路線嘅中菜館。姬松茸黑蒜燉刺參，燉湯入面除咗姬松茸同刺參，仲有雞腳、響螺、瘦肉，都幾足料，同埋冇咩油。蟲草花圓肉浸翡翠苗，因為有圓肉所以令個汁好甜，加上配搭好清，感覺好健康。草莓金沙骨，個金沙骨夾埋底下個窩巴一齊食，酸酸甜甜又脆脆哋，係呢晚咁多款之中我最欣賞嘅。醒胃話梅雞，隻雞唔滑，同埋唔係好食到話梅味，一般般。三十年陳皮紅豆沙，聞落好香，個質地好稠，不過食落陳皮同紅豆味唔太明顯。