Video
Read full review
2008-06-06
2 views
黃曆四月三十．宜出行夜 雨夜風雷大作三名夜行人，滂陀大雨中疾步趕往旺角熟食中心行動: 食飯目標: 農夫咖哩包＊ ＊ ＊ ＊ ＊ ＊約了女友 & 朋友尊程來一試，望望餐牌, 43財一個農夫包, 心諗: 都幾貴, 加埋野飲咪成60財？是但啦, 就點了農夫豬扒咖哩包。問老世係咪咖啡同奶茶最出名, 佢挺胸收腹好有自信咁答: 我相信我地D奶茶同咖啡全場最好飲。嘩！差D見到佢股氣勢由鼻哥窿噴出黎咁滯。結果要了凍奶茶, 只係收了45個大洋, 原來包飲品, 仲包個湯。我且…真係豬到暈, 仲要怪錯人…以為收得貴。老闆叫我搵位坐, 放個牌仔(好似買雞個牌咁)響檯度就得, 自然有人送個餐俾你。Food court都咁好服務？有點受寵若驚。女友去第度買了涼瓜肉片飯, 極普通, 按下不表。朋友都係去翠苑幫趁, 買左個咖哩魚塊飯, 都過得去, 30財包凍飲, 抵！大約15分鐘左右, 見到阿姐送個餐到, 見紙仔寫住 “灰男”, 原來暗號黎, 係指灰色衫的麻甩仔 - 小弟是也。鍚紙包裹著熱辣辣的農夫包, 外皮香脆, 裏面柔軟, 點下咖哩汁黎食, 又幾好食喎, 不過如果咖哩汁可以
夜 雨夜
風雷大作
三名夜行人，滂陀大雨中疾步趕往旺角熟食中心
行動: 食飯
目標: 農夫咖哩包
＊ ＊ ＊ ＊ ＊ ＊
約了女友 & 朋友尊程來一試，望望餐牌, 43財一個農夫包, 心諗: 都幾貴, 加埋野飲咪成60財？是但啦, 就點了農夫豬扒咖哩包。
問老世係咪咖啡同奶茶最出名, 佢挺胸收腹好有自信咁答: 我相信我地D奶茶同咖啡全場最好飲。嘩！差D見到佢股氣勢由鼻哥窿噴出黎咁滯。
結果要了凍奶茶, 只係收了45個大洋, 原來包飲品, 仲包個湯。我且…真係豬到暈, 仲要怪錯人…以為收得貴。
老闆叫我搵位坐, 放個牌仔(好似買雞個牌咁)響檯度就得, 自然有人送個餐俾你。
Food court都咁好服務？有點受寵若驚。
女友去第度買了涼瓜肉片飯, 極普通, 按下不表。朋友都係去翠苑幫趁, 買左個咖哩魚塊飯, 都過得去, 30財包凍飲, 抵！
大約15分鐘左右, 見到阿姐送個餐到, 見紙仔寫住 “灰男”, 原來暗號黎, 係指灰色衫的麻甩仔 - 小弟是也。
鍚紙包裹著熱辣辣的農夫包, 外皮香脆, 裏面柔軟, 點下咖哩汁黎食, 又幾好食喎, 不過如果咖哩汁可以濃D, 辣番D會更好。
豬扒過得去啦, 唔會 “UN”; 薯仔都夠林, 幾好架。
奶茶又如何？唔錯, 但覺得佐敦澳洲會好飲D。
湯又點…估唔到又幾鬼好飲, 杰杰地, 幾濃, 有牛肉味; 懷疑加入了薯仔茸令個湯又濃又杰, 好有口感, 係意外驚喜。
總結係, 抵食得黎又幾好食, 環境都算清潔, 冷氣又夠, 仲有埋招呼(送埋餐), 食完無口渴, 無味精, 正！夜媽媽唔會搞到訓唔著覺。
下次會再黎試其他菜式 & 凍咖啡
Post