Video
Read full review
2022-06-07
34 views
平時接阿仔放學，搭巴士一定經過呢一度，一直都好想走入去試下適逢阿仔放學去咗學嘢，咁就同豬有一齊嚟試下。 估唔到餐廳外面嘅霓虹燈係咁靚，平時接阿仔放學都未見到佢著燈。其實，頭先餐廳前面啲相係食完餐飯先影嘅。而我哋去食嘅時候其實好早，之後就陸陸續續見到有好多客人，主要我哋嚟嘅時候都係見到室外有人飲酒。因為happy hour，但當我哋食完之後我就發現室內嘅地方已經坐滿曬客人啦。 所以如果有心來食一定要打電話嚟book訂枱。無論係室外或者室內呢度嘅裝修都好有感覺，而且係十分之有風味嘅。另外，都唔需要擔心個袋，可以放喺旁邊，因為萬一食青口嘅時候隻手污糟咗，都唔洗擔心，因為佢哋會畀個地方你放你個袋。我同豬友都一齊揀咗個starter，就係白酒煮青口。呢一個starter喺呢一度係好出名嘅 ，個湯汁係好creamy啦。另外青口好大份，甚至乎係好大隻嘅，亦都好爽口喇， 粗略估計呢度應該有成20隻嘅青口。 其實係叫dish之前 ，餐廳都有話畀我哋知有個青口放題。有三隻口味，我見到電視機show 咗有龍蝦汁,白酒青口同埋喇沙,呢三種口味...之後另外加50蚊就可以任食薯條另外我哋都叫咗個main cou
平時接阿仔放學，搭巴士一定經過呢一度，一直都好想走入去試下
適逢阿仔放學去咗學嘢，咁就同豬有一齊嚟試下。 估唔到餐廳外面嘅霓虹燈係咁靚，平時接阿仔放學都未見到佢著燈。
其實，頭先餐廳前面啲相係食完餐飯先影嘅。而我哋去食嘅時候其實好早，之後就陸陸續續見到有好多客人，主要我哋嚟嘅時候都係見到室外有人飲酒。因為happy hour，但當我哋食完之後我就發現室內嘅地方已經坐滿曬客人啦。 所以如果有心來食一定要打電話嚟book訂枱。
無論係室外或者室內呢度嘅裝修都好有感覺，而且係十分之有風味嘅。
另外，都唔需要擔心個袋，可以放喺旁邊，因為萬一食青口嘅時候隻手污糟咗，都唔洗擔心，因為佢哋會畀個地方你放你個袋。
我同豬友都一齊揀咗個starter，就係白酒煮青口。呢一個starter喺呢一度係好出名嘅 ，個湯汁係好creamy啦。另外青口好大份，甚至乎係好大隻嘅，亦都好爽口喇， 粗略估計呢度應該有成20隻嘅青口。 其實係叫dish之前 ，餐廳都有話畀我哋知有個青口放題。有三隻口味，我見到電視機show 咗有龍蝦汁,白酒青口同埋喇沙,呢三種口味...之後另外加50蚊就可以任食薯條
另外我哋都叫咗個main course， burger又有薯條同沙律，個牛肉好juicy，另外生菜同蕃茄都好鮮甜，個包係脆嘅唔係淋芝芝， 沙律菜係青翠配上芝麻醬簡直一絕
另一個main course，我哋就揀咗封門柳，封門柳配菜有彩椒同埋沙律令到人哋個感覺冇咁肥，因為 burger 已經配咗薯條，如果又係薯條嘅話，就會好heavy。但係餐廳好好可以用彩椒，適合一啲唔食澱粉質嘅人。因為其實有時我都唔係好想食薯條嘅，但因為自己太為食啦😭咁所以都食少少囉。不過呢個彩椒亦都令我哋食番多少少菜。
另外，唔好以為無得比你揀封門柳幾多成熟。其實係可以畀你揀幾多成熟嘅。今次我哋揀咗五成熟，肉汁好好咁樣鎖住咗响個肉裏面啦。再者，亦都唔會太硬或者太淋，睇得出係有心機煮到5成熟。
而且嗰份量亦都大份， 呢個菜嘅性價比係高封門柳上面係炸金菇，感覺呢個 main course係好健康。肉，蔬菜比例係均等
甜品我哋嗌咗香蕉船。但係嗰支竿係我自己插上去嘅因為咁樣仲更加似隻船，船隔離嘅橙色粉，豬友有問我係咩呢我就話係爆炸糖。個感覺好特別呀因為通常香蕉船係唔會配爆炸糖㗎喎唔怕爆船另外雪糕就有三隻味：
士多啤梨，雲呢拿同朱古力
難得豬友冇揸車，終於可以叫啤酒飲呀
啤酒
moo moo嘅出品
1.小麥
2.白蘭花
不過豬有就話白蘭花嗰杯無小麥嗰杯咁好飲，我就話呢兩杯都好好飲
豬友好畀心機咁係咁食
Post
