最近係ig有人介紹 個個都讚不絕口
滿心期待嗌咗最多人推介既封門柳
結果就中咗個大伏 好耐無寫過食評都決定要寫出黎警世
順便幫佢慳返d錢唔洗請打手 免費幫佢宣傳😀
.
先講佢個封門柳 慢煮黎講可以整到咁嚡都好出色
以後邊個話雞胸肉嚡 可以直接叫佢黎呢間食過先講
一細舊牛係要分開幾啖咬先吞到 如果唔係會哽死
個飯如果唔係menu寫越光米 會以為係茶餐廳碟頭飯
.
講吓餐廳環境 估唔到舖頭細細可以塞到咁多枱櫈
可能咁就營造到foodie們寫既「親民」、「家庭式」?
最值得一提係 佢門口痴住大大個八達通貼紙
但入到舖頭就只收cash, payme同alipay
咁點解唔搣咗門口個貼紙誤導人呢?
想提醒 佢payme個code壞壞地 即刻駁話個個都比到
順手關門佢隻門自己彈返開 又比佢喝關門
店員態度差到唔知以為爭佢錢唔還
野食唔得 員工態度又趕客 真係你食埋我個份
.
同餐廳小小建議 其實老闆不如認認真真改善吓食物既質素 重點train吓d店員對客有返d基本禮貌先?
