大豐收

食開嘅茶記無開，於是隨便咁入咗喺哩間大豐收。
首先我要講咗個結論先。

難食
唔衛生
絕對無下次

叫咗個乾炒牛河，等咗成十幾分鐘都未上。期間隔離枱都有一齊催單。終於上菜嘅時候我翻開晒成碟河粉，得兩塊半完整嘅牛肉片，我有個掙扎過好唔好問佢哋係咪正常，但係都係算數了。點知一食入口，河粉好硬好似未煮透咁，又勁重燶味，中大伏了。

第二樣嘢就係佢哋居然攞晒啲蔬菜出堂食區切菜，一路食一路聞住啲菜草味。仲有幾個廚房師傅唔著衫唔帶口罩走出走入。咁你哋個廚房要嚟做乜？

最大鑊係連最後杯奶茶都難飲，無茶味嘅。

早知去七仔叮杯麵好過。