羽壽司 (Closed)

壽司D味道普普通通，食得不會特別開心，只可以當係一個普通晚餐，但後來食串燒牛俐時就覺得越來越難吃，味道好重，之後個三道餸就更加不知所謂，焗豪個D汁唔係芝士又唔係忌廉，都唔知係咩野汁，好似面粉加水咁，可以用白色透明漿糊黎形容，之後個焗蟹蓋就更糟，一D蟹肉都唔覺得有，成個蓋裏面大多數都只係有汁同芝士碎，最後果一道係焗帶子，相對之前果幾個小食，賣相就比較好，但都只係有6塊好細好細塊帶子肉，其餘都係蛋同金菇，最令到我嬲都唔係食物，而係當埋單之後離開餐廳，有一個侍應用一個唔好既態度問我 <你埋左單未?> 當時我好嬲，我立即攞返張收據俾個侍應睇，之後佢冇道歉就行開左 食過咁多問日式餐廳，從未試過係咁差，我個人覺得無論係食物質數定員工對顧客既態度都係唔可能出現係一問知名食肆裏面