漁初·魚丼 (Closed)

琴晚落雨，同男朋友狼狽來到長沙灣搵野食，見到呢間日本餐廳好多好評，打算試下佢d魚生丼，入座好似茶樓咁，醬油碟，同碟就咁擺係餐桌上疊埋一起，有兩隻茶杯，冇茶壺，店員完全冇打算斟一杯茶比客人，自己都係服務葉出身，收得加一就要有service，茶壺都唔俾我哋，到要開口問真係有d尷尬。 揀食物方面，選擇都多，自選魚生丼，壽司，燒物，啤酒，dinnerset，圖文並茂。我哋揀咗兩個魚生丼，一份魷魚壽司，一份章魚壽司，一份燒年糕。到上菜，個魚生丼真係嚇一跳，個碗直徑上已經細，d三文魚五件鋪唔滿，切到好薄，仲要一忽忽，疊住d三文魚角上，個師傅似係唔識用刀...吞拿魚係厚切，乾爭爭，唔新鮮，冇味道，0份，係爭鮮素質都冇，壽司都係好難食，完全唔接受... 得個醋飯正常發揮，1分。同埋個燒年糕係炸既，不是燒。好唔合邏輯，唔會再去。亦唔建議大家去。我男朋友話係食過最差既一間。唔知點解甘多五星好評，話隱世又高質，唔get。