Out of Office (Closed)

香港有Acai bowl嘅地方愈來愈少喇，難得土瓜灣新開小店群當中有就去試。首先，環境寬敞夠大，座位之間相隔遠，坐得舒適。但店員無乜禮貌，又未至於黑面咁過份，所以唔評論太多，大家可以自己去感受下。食物方面 - Acai Bowl：原本應該類似沙冰底，不過依間做到巴西莓汁一樣稀。溶晒完全唔係正統質感，食落口感唔滿足又好奇怪。面料算豐富，水果份量與種類有誠意，變咗果汁加水果及燕麥片。大啡菇芝士菠菜多士︰餐牌上明明寫多士，來餐變成漢堡包，好奇怪。朋友無要求轉返正確，只係覺得個包好乾，最後無食晒。飲品方面 - Mocha：偏向咖啡味重，咖啡豆濃郁，苦味突出無偏酸。混合後只有極微可可，無朱古力香所以完全唔甜，兩者間平衡建議朱古力可以重手啲。還是店員落錯單？依杯其實係Latte，而不是Mocha？總結：服務態度加上Acai bowl質素，整個感覺只屬性價比偏低。餐枱好多食客留低嘅食物碎，好污漕，我哋自行清潔。難怪公眾假期下午 1點都無乜食客，空位夠多夠寧靜。