泰妃雞 (Closed)

係新寶戲院睇完戲，見肚餓就隨便入左呢間泰國餐廳食野。其實因為經過呢間餐廳既時候，聞到好勁既鑊氣味，覺得d野會好有火侯，所以就被吸引咁入左去食啦～餐牌有好多選擇，可以獨立叫，或者跟套餐。今次就決定叫一個套餐再加小菜。既可以叫到自己想食既野之餘，又可以慳到錢。蝦膏炒飯超！好！食！極度推薦黎呢間餐廳食飯，一定要叫呢個飯！！首先。佢係勁有鑊氣，D飯係炒到粒粒分明，好乾爽。而佢既蝦膏，係勁入味，D汁索晒係飯入面，真係會令你食唔停口！加埋肉鬆同蛋晚雙重加持下，係同朋友搶住食晒佢呀！如果鐘意食炒飯既人，你一定會鍾意！泰式生菜包相比個炒飯。佢既驚豔程度就弱左少少啦。肉既份量係有好多，令到生菜唔夠用。而佢既肉比較多水同多香菜，唔係我偏愛既STYLE。可能食慣左港化左既生菜包，變番正宗泰式口味就唔慣。泰式串燒6串（豬，牛｀雞）食泰國野，點可以忘記串燒呢。我地叫左半打！豬牛雞各2串。牛肉串口感有D靭，感覺燒得太耐，要好大力咬先咬得甩。而豬肉同雞肉就正正常常，仲有少許嫩滑既感覺。而醬汁方面，大大加分！感覺沙爹味好重，好惹味，會引唔住瘋狂點醬食！椰汁冰同椰汁涼粉冰食重口味既野，係需要飲料過一過口。我地叫左椰汁冰