GoldBlack Creative Coffee Journey (Closed)

呢間今年新開嘅 Gold Black，我個咖啡迷朋友叫我一定要嚟試，因為住青衣嘅佢話Gold Black可以話係全青衣最好飲嘅精品咖啡店。所以有日我去青衣搵佢就俾佢拉咗嚟試喇，呢度唔止咖啡豆係用台北極品嘅Gabee。佢嘅每杯嘢飲仲好有特色創意，我試咗爆谷風暴，牛奶泡沫咖啡上面鋪滿焦糖爆谷，香甜脆卜卜，食晒之後攪勻杯咖啡飲就最正。另一個朋友嗌咗杯賣相都好靚嘅Blue Ocean，係Soda嚟嘅，佢話好飲，我諗下次再嚟我都會試吓。不過最估唔到係個鴨油薯蓉，味道香濃到我唔知點形容，有啲似食緊法國油鴨腿，而家仲回味緊，相信好快我會為咗佢再返轉頭喇。