難得黎到上水，無理由唔去廣成冰室朝聖下既。
餐廳只有兩個餐﹕早餐同茶餐，同樣$42，我同男朋友岩岩好一人一個。
早餐﹕牛肉通粉、熟蛋、鮮油餐包/菠蘿油、啡或茶
牛肉通粉落左薑絲，牛肉幾腍。要左煎蛋，蛋黃係半熟架。
菠蘿油夾住又厚又大塊既牛油，十分邪惡。
菠蘿包口感鬆軟，菠蘿包個皮唔會腍晒架，脆脆地，不過如果可以整返熱個包就更正啦。
熱奶茶普通。
茶餐﹕牛肉通粉、雞蛋三文治、啡或茶
雞蛋三文治夾住厚蛋，好吸引，厚蛋都好好味。
熱咖啡普通。
紅豆冰只可以散叫，超多軟綿得黎又大粒既紅豆，好多時吸管都吸唔到。
