嚟到Lounge梗係要叫返1jar西班牙酒Sangria啊！飲落感覺都唔錯，入面仲要有好多生果添。前菜我哋叫咗牛油果蟹肉卷配三文魚子，開頭以為係春卷，問返侍應原來係黎啱左，食落口完全唔覺得有牛油果嘅味道，但係啲蟹肉就好出，係一個開胃小菜。第二度前菜係西班牙生蝦，同平時食泰國生蝦有啲唔同，西班牙生蝦落多香料，食落香口好多。
好脆嘅seafood pizza上檯喇，完全係啱晒我口味，底皮唔太厚啱晒胃口細小嘅女仕食，配Sangria黎飲又一流，同seafood pizza嘅味道都幾夾。
成間餐廳最吸引我嘅主菜 - 黑毛豬配蘋果醬！黑毛豬配蘋果醬，係天生一對的配合。當用到去接黑毛豬嘅時候，入面肉汁多到噴到落我件靚靚衫到，真係俾佢嚇一跳，食落口肉質鮮嫩有夠Juicy，果然黑毛豬係我既至愛，所以我決定下星期再嚟食多次！
