Mimila (Closed)

前幾日同媽媽去新城市廣場搵食,兩個都唔係話十分肚餓 ,好彩搵到呢間風味小店，唔使大魚大肉，正!店舖唔係太大， 大概有十零張枱， 小店規模但裝修都好企理， 店主聘請了一班年青的侍應， 服務態度都算唔錯。叫咗個三蝦撈蝦子麵跟麵個湯好好味，而蝦的份量唔少， 食落麵身好爽，唔會話有鹼水味。魷魚頭好爽脆口感一流，份量亦都唔少，沙爹汁 亦都好惹味， 開正我媽媽喜歡食辣的人口味， 但如果一般人唔係咁食得辣，最好講叫小辣。炸雲吞係我至愛，佢哋呢間啲炸雲吞裏面啲蝦食得出都好新鮮， 跟上個汁都好好味，建議食之前最好用筷子，篤碎啲蒜蓉同辣椒仲正。