雖然地方好窄,我行左個圈返黎先有位
叫左個清湯腩河同油菜做中午,希望有砂腩,哥仔話有就盡俾您~
大埔有2間d清湯腩都算唔錯,呢間抱住一試既感覺去食
個河拎到埋黎,哥仔話"盡左力2舊,下次早d黎俾多d你":)
雖然我係稀客,都唔會黎得多,但係佢咁講,就有種親和力
6件腩4件係坑腩,2件砂邊腩
坑腩...我寧願食肥都唔食瘦腩.....好怕痴牙....
砂腩真係唔錯bor~~雖然係邊,但係都食到係好野~
河就無大埔個間滑
雖然4個坑腩un, 清湯都感覺重味精...
但係勝在店雖少,但員工間有種團結感,同對客人既親和力
員工對熟客,係好似舊式茶餐廳員工對老顧客咁
"陳生,今日又例牌xxxxxxxx走蔥要花生,油菜要豉油唔要黑油"
"今日食羅白唔食菜,其他照舊"
