皇苑 (Closed)

東大街出名多嘢食，間唔中都會來呢度，今次揀咗個好港式嘅茶樓同媽咪食小菜。望下個餐牌，難以置信個價錢，可以咁抵，不枉山長水遠來呢度。首先叫咗個杏汁白肺湯，因為呢個平時自己非常之難煮，所以出邊見到餐廳有就點，湯非常足料，好味，好潤。另外叫咗兩隻扇貝，新鮮入味。孖寶至尊餐牌超抵樣樣都想揀。沙巴仔配蒜香BB鴿兩隻＄168，冇諗過條魚咁新鮮，大隻多肉，好好味！！ BB夾都好香脆，啖啖肉。黃金蝦配上湯浸時菜＄128，黃金蝦好香口食唔停。