🌰今日，熊妹同瑪姬皇后去到九龍城土瓜灣附近閒逛一下，行街前梗係要醫飽個肚先有力氣行啦！首先，揀間咖啡店食個靚lunch先！
2
📌一早聽聞土瓜灣有一間特色咖啡店《HeySoNuts》款式特別，價錢又親民，熊妹就帶瑪姬皇后去探店一下啦！
11
1
📌Lunch set 好抵食，價錢由$88起，有意粉、飯、沙律、窩夫三文治選擇，包一杯熱黑咖啡或Earl Grey Tea，其他飲品可補差價，仲可以加$18可以有是日餐湯或者黑醋汁沙律，加$25有是日甜品 ，假日除外，收加一服務費。
8
4
3
1
3
📌而點選Lunch set仲可以儲印花卡，儲滿六個印花隔日可享免費 Lunch Set 一份及附送黑咖啡，嘩，送一餐都幾抵喎！确實益街坊。
午餐 - 凱撒沙律配煙三文魚，$106
同熊妹食飯，一定有沙律！沙律當中，凱撒沙律確實係表表者。
午餐份量的凱撒沙律都幾大份喎，好多好新鮮的羅馬生菜🥬，沾滿鹹香嘅凱撒沙律汁，面頭灑上好多芝士碎粉🧀，仲有麵包糠粒🍞同埋煙燻豬腩肉粒🥓，比起平時用嘅煙肉粒更加多一份鹹香，仲要有四大片煙三文魚，肉質非常肥美無渣，貨源上乘，熊妹認為食沙律最主要就係要夠多醬汁，呢份凱撒沙律，熊妹表示非常滿意💯，對減肥人士嚟講絕對係食得過！
午餐 - 香煎口水雞扒窩夫三文治配雜菜沙律， $88
一上枱都幾震撼，好大一份窩夫三文治！上下一塊1/4的厚切窩夫，中間夾雜一大塊香煎雞扒🐥，仲有蕃茄片🍅同生菜片🥬，窩夫食落好重蛋香，相信粉漿沒有添加糖分來配合返三文治鹹食，做得幾好。
口水雞味道好似土匪雞翼味，帶少少椒辣好惹味🌶️，另外仲配搭一款辣味嘅濃郁芝麻醬，醬汁非常濃厚，口水雞扒再點呢個辣醬，味道簡直係錦上添花🌸，成款窩夫菜式嘅食材配搭都非常特別有心思💞，大大份值得一試！
配菜仲有一大堆點上黑醋汁嘅沙律，非常開胃又新鮮！
Flat White，跟餐價，加$12
典型嘅心形拉花💗，飲落奶泡層好豐滿，可以維持住心形型圖案飲到最後，就係一杯合格以上🔝的拉花咖啡。
Homemade Tiramisu，跟餐價，加$45
有驚喜！跟餐的Tiramisu雖然唔係好大份，但味道同質感絕對係超晒班！浸滿了rum酒嘅手指餅酒味🥃非常濃郁，但係濕潤嘅手指餅放涼一陣都沒有改變了面頭的奶油忌廉層，食落非常厚實，一啖筆落去成個口感好豐滿又充滿酒味，可說係熊妹暫時食過最好味嘅Tiramisu，咁出色嘅甜品一定要再嚟encore！
自家製蒜香四川醬大蝦炒意大利粉，$138
一上枱，芬香撲鼻👃🏻！乾炒起的意粉熱辣辣，熱氣散發出濃烈醬汁嘅味道。自家製嘅四川醬又唔算好辣，炒意粉好有硬度有咬口，醬汁嘅調味比例恰當，炒功功架了得💪🏻。
另有五隻大蝦🦐做配料，夠晒彈牙，呢款自家創特別味道嘅意粉可以一試！
茶漬橙朱古力慕絲千層酥，$88
好美的一件法式甜品！六片晶瑩剔透的橙片鋪滿千層酥上在燈光下照射著，好像發光一樣的閃亮🌟。
千層酥皮好厚實酥脆，用上朱古力慕絲已非忌廉，口感較豐厚，避免了忌廉帶來嘅濕潤整淋千層酥皮，香甜鮮橙大減朱古力的甜膩，成款甜品確實做得出色。
Pina Colada Parfait，$96
呢杯菠蘿芭菲賣相已經滿分，非常精緻的擺設，芭菲一層層的材料層次分明，面頭有一小件菠蘿千層酥，玻璃杯入邊有rum pineapple，green apple，handcraft tea jelly，cake，coconut cream and vanilla ice-cream，多款材料配撘撈埋一齊食真係好豐富，芭菲杯係無法抗拒嘅一款甜品，《HeySoNuts》做的甜品果然有一手👋🏻！
📌土瓜灣的小小地鋪，隱藏着呢一間特色咖啡店，推手出多款特別口味嘅fusion菜式，而甜品款式更拍得上酒店級質數，係超班嘅咖啡店。如果去開土瓜灣，熊妹絕對會再來到訪！
