章記香港仔魚蛋王

Open Now

Now Closed

值得一讚既係味精真係少左，加分，但質量同技巧真要多多提升 ~蠔油生菜走油，稍為過左火，黃黃地，雖然我偏愛食腍一啲，但太過腍喇。味道就無問題，新鮮充滿水份，簡單既烚菜。雲吞麵走蔥，師父呀，您啲雲吞好鬼咸呀，對我黎講咸左啲，雖有原隻蝦仁又爽口，呎吋又大粒，但味道唔得。湯底好啖，無左腩汁就無晒味，但千奇唔好再咁多味精喇，麻煩晒。牛什牛腩伊麵走蔥，好似師父近排真係輕手左好多，無再落咁多味精喎，食完唔會太過頸渴，多謝。牛腩太肥，八成都係肥膏，得返兩成肉仔，無咩肉食，牛什保持水準，腍則腍、滑則滑、爽則爽，亦炆得入味，幾好。伊麵煮得幾好，軟硬、粗幼適中啦，但可以做得更好。