Around Wellington (Closed)

今日唔使開工，於是專程過銅鑼灣試下呢度嘅雞翼放題。放題總共有六款雞翼，第一 round 會先嚟個樣樣齊拼盤，之後想返兜邊款就 QR code 落單。我覺得最好食係花雕醉雞翼，酒味好濃，雞肉亦算嫩滑。其次係芝士蘑菇雞翼，呢款係無骨雞翼，芝士同蘑菇釀喺雞翼入面，味道偏濃，夠好食。再其次係鹹蛋黃雞翼，基本上所有食物加咗鹹蛋黃都冇得輸，鹹鹹香香，非常惹味。至於另外三款，蒜蓉牛油雞翼蒜蓉味幾濃但牛油味較弱，香辣烤雞翼非常微辣，如果加啲辣應該會更加惹味，蜂蜜檸檬雞翼就較為普通，冇咩記憶點。最後我一共幹掉咗十八隻，除返開為六蚊隻，抵食喎👍。