味道就有九款選擇，如果有選擇恐懼症，建議揀咗先去點餐
唔係花多眼亂真係心大心細！
我哋就揀咗四款雞翼，第一款係▲鹹蛋黃醬▼
外皮炸到好香脆，配埋鹹蛋黃醬，真係送啤酒一流！
呢啲係咪叫皮薄餡靚？(◐‿◑)
第二款我哋揀咗▲泰式冬陰公▼
酸酸辣辣，秘製醃料令到隻雞翼感道相當豐富
簡直係越食越開胃
第三款我哋揀咗▲避風塘蒜香▼
睇賣相就知道有幾澎湃，雞翼鋪滿炸蒜，100個惹味，個人推薦呢個係必食💯❗️❗️❗️❗️
最後一款我哋就食咗店長推介嘅▲文青風玫瑰▼
食落去就唔係好重玫瑰味，反而係好重蜜糖甜甜嘅味道，類似BBQ時燒烤嘅雞翼！燒雞翼我自細鍾意食
配埋杯蜜桃粒粒甜果茶，簡直係完美嘅句號。
味道唔算好甜，蜜桃滲出淡淡的茶香味，而且仲有椰果，不錯不錯。
門口相當文青風，打卡位都有好幾個
價錢由38$-128$不等，隻數愈多愈平，一於約埋朋友仔黎食盡佢
但座位不多，有定心理準備立食
P.s 同行朋友平時小食雞翼更加絕對唔食雞皮都話有啲愛上，「雞翼山」果然將平凡變得不平凡！推薦！
