天浮橋拉麵 (Closed)

元朗日式拉麵店，主打濃厚雞白湯，雞味濃郁鮮甜配以不同食材製成幾款湯底，可揀沾麵或拉麵🍜 我喜歡食麵連湯飲，揀左拉麵款，麵底彈牙有韌勁。海老味噌(濃厚雞白湯)$90海老湯底，除左鮮雞味，仲嚐到蝦湯嘅鹹香。雞腿肉黑椒調味，切得薄薄一片，而且非常嫩滑。櫻花蝦量多鮮味足，配料仲有仲木耳絲、雜菌同脆紫菜，整個溏心蛋當然都好加分。不過麵底份量女仔食還好，男仔應該要加底先夠呢。餃子🥟$15有三件，餃子皮脆薄，肉餡夠飽滿有肉汁，味道不錯。靜崗草莓梳打 ($24) 草莓氣味氛芳香甜，解渴又清新。有時專注一樣嘢，做得夠深入，都係一種成功。拉麵店主打嘅雞白湯都一樣，款式變化唔算多，但食過翻尋味，大有人在😋