新南苑私房菜火鍋鷄煲 (海德中心) (Closed)

先來個雞煲， 少少辣，好野味，仲可以追加 食完雞煲先可以上火鍋， 叫咗花甲清湯底， 有個南瓜蓉係bear bear形狀，好得意喔。每人有半隻龍蝦，一隻鮑魚，一隻聖子，兩片肥牛，用料好新鮮 接住其他丸類，龍躉片，鯇魚片， 蜆，等等，都係任叫任食，果汁汽水亦都可以飲飲，食到飽飽。Waiter 都好細心，會幫我哋炒雞煲，make sure 可以煮熟曬先食，食得安心。下午5點半入場，8點交枱，每位都只係$250，抵食 又唔會食到太夜太飽，好好既時段喔。