Video
Read full review
2021-04-19
87 views
.好耐冇食過雞煲，今晚黎左新南苑食。.坐低揀左餐同雞煲既辣度，就出去拎住小食、飲品。.小食有麻辣豬皮鴨血魚蛋，麻辣味夠開胃。.仲有炸魷魚圈、芋頭波波、酸辣無骨鳳爪等等。.雞煲上菜啦，店員介紹要每2分鐘攪一次，共4次，最後一次加埋油炸鬼攪。.三黃雞加上油炸鬼，又香又辣好惹味，雞肉嫩滑、油炸鬼仲脆卜卜，好食。.食完雞煲打邊爐，因為我地叫左任食牛肉餐，就上左牛肉拼盤：本地手切牛肉安格斯牛小排安格斯肩胛肥牛美國肥牛除左本地手切牛肉，其他都可以encore.仲有灌湯小籠包，打邊爐食小籠包真係第一次，估佢唔到咁多肉汁！.火鍋配料都係任order，最正係海蝦，大隻又新鮮.仲有脆香魚皮、沙律海鮮丸、午餐肉等。.最後仲有甜品牛奶凍食，滑而重奶味。
好耐冇食過雞煲，今晚黎左新南苑食。
.
坐低揀左餐同雞煲既辣度，就出去拎住小食、飲品。
.
小食有麻辣豬皮鴨血魚蛋，麻辣味夠開胃。
.
仲有炸魷魚圈、芋頭波波、酸辣無骨鳳爪等等。
.
雞煲上菜啦，店員介紹要每2分鐘攪一次，共4次，最後一次加埋油炸鬼攪。
.
三黃雞加上油炸鬼，又香又辣好惹味，雞肉嫩滑、油炸鬼仲脆卜卜，好食。
.
食完雞煲打邊爐，因為我地叫左任食牛肉餐，就上左牛肉拼盤：
本地手切牛肉
安格斯牛小排
安格斯肩胛肥牛
美國肥牛
除左本地手切牛肉，其他都可以encore
.
仲有灌湯小籠包，打邊爐食小籠包真係第一次，估佢唔到咁多肉汁！
.
火鍋配料都係任order，最正係海蝦，大隻又新鮮
.
仲有脆香魚皮、沙律海鮮丸、午餐肉等。
.
最後仲有甜品牛奶凍食，滑而重奶味。
Post
