川味辣蟹·串燒·烤魚·雞煲·專門店 (Closed)

放假約咗朋友去尖沙咀行街👭夜晚有堂食梗係去食餐好㗎啦 行行吓見到有一蚊雞煲 我哋就決定去川味辣蟹·串燒·烤魚·雞煲·專門店試吓個一蚊雞煲🍲睇到餐牌 我地發覺除咗雞煲之外 仲有好多選擇！炒辣蟹、烤魚、川菜、串燒等等除咗嗌雞煲之外 仲叫咗幾串串燒😛黑椒台灣腸 灑上少少七味粉 香口得嚟有台灣風味😋蜜糖墨魚丸 黑色墨魚丸搽上蜜糖去燒 好滋味呀😋仲有爽口牛吞！食完串燒 養生藥膳雞煲終於上啦👍🏻有別於一般傳統香辣雞煲 藥膳雞煲係浸湯嘅即係可以邊食雞煲邊打邊爐都得！兩個人食半隻雞 份量足夠雞肉肉質嫩滑 唔鞋口 完全唔似冰鮮雞最正嘅係湯底 唔係味精湯底 係用雞肉熬製而成邊食雞煲邊飲湯 比起香辣雞煲冇咁熱氣 啱晒女仔食☺️👭