二鍋頭 (嘉芙中心)

Open Now

Now Closed

琴晚又想食雞煲，我同朋友嚟到位於尖沙咀嘉芙中心二鍋頭食放題！餐廳係旺角同沙田有分店。而家尖沙咀分店仲推出緊最長7小時任食牛雜煲、4款口味烤魚、雞煲、牛尾煲，豬手煲、火鍋放題套餐，真係好誇張，好抵食！雞煲除左醬香惹味雞煲外，仲多左雙乳雞煲（咸牛乳，腐乳） ，好特別。無限時任食套餐仲包含紅白酒任飲。醬香惹味雞煲好有鑊氣、惹味，除左雞件，仲有鳳爪、洋蔥、香蔥、芫荽等配料，食落特別香口。店員先將雞件超熱，個鍋會一直熱住。雞件每件都好入味，沾滿曬醬料，食落鹹鹹辣辣，雞件亦都好厚肉，雞肉好滑。而配料好似係洋蔥、香蔥、芫荽就沾滿醬汁嘅鹹香，好惹味～火鍋方面，最近新推出左排骨藥膳湯底。排骨藥膳湯好滋潤，有滿滿嘅藥材味，飲完喉嚨好舒服。出面自助區有多款火鍋配料，如丸類、蔬菜、麵類可以攞。我地食左芝士牛肉丸、芝士腸都好好味。比較特別嘅西洋菜依度都有，食落好新鮮好香。其他肉類、海鮮就要係app落單。牛板腱大大片，食落牛肉味濃，油脂分佈平均，食落牛肉質地柔軟。海鮮方面，我地叫左沙白同海蝦，兩款海鮮都好新鮮，蝦肉肉質，沙白味道鮮甜。甜品方面出邊有任食嘅雪糕同雪條，而喺app仲可以下單各款大福同忌廉泡芙，非常豐富