吞POT 雞煲火鍋.住家菜 (山林道) (Closed)

今日同個朋友去咗尖沙咀行街，行完之後就去咗美食街，去咗山林道搵嘢食，由於天氣凍凍地，就選擇咗打邊爐一入到去間餐廳，呢間餐廳畀我感覺都幾舒服，呢到完全唔需要搭枱嘅，噉我哋兩個人都可以坐一張圓枱。噉我哋叫咗個豬肚雞煲另外叫咗碟海中蝦，呢度啲蝦都幾大隻喎，個蝦頭有蝦膏嘅，另外啲蝦肉都幾彈牙。仲有食左蝶手打牛丸。由於今日系星期一，嗰啲手打牛丸，海中蝦同埋蔬菜，都有半價優惠，都幾抵食啊。整體嚟講呢度坐得比較舒服，可以慢慢食，環境唔會太嘈吵。