紅火雞煲 (元州街)

Open Now

Now Closed

朋友約食飯，有無試過諗食咩諗到頭都大埋？有啲想食雞煲，有啲想打邊爐，有啲又想韓燒，真係好難就得晒咁多個，不過宜家唔使就嚟就去啦，深水埗嘅紅火雞煲幫到你，將咁多樣嘢集合於一身，實行一次過滿足你3個願望。 雞煲火鍋加韓燒都只係$168，可以任飲任食兩個鐘，宜家訂座仲送手切肥牛。 首先我哋叫咗個百年古方雞煲，如果唔食得辣，呢個就啱晒，但如果鍾意食辣嘅朋友就可以揀麻辣重慶雞煲。呢個百年古方雞煲以古方炮製，養生美味，用咗數十款醬料同香料秘製而成，配料有三色椒、大葱、大蒜等，非常惹味。 食完個雞煲就開始火鍋同韓燒，基本上所揀嘅食物都可以兩食，可以比你試晒2種食法。有新鮮海鮮，包括蝦🦐、蜆、魷魚🐙、脆鯇片、象拔蚌片、鱔片。 鍾意食肉嘅當然不乏美國雪花肥牛🐮，仲有西班牙黑豚肉、安格斯牛柳粒、爽口牛舌、豬仔脾、牛坑腩等。 仲有好多其他食物都數之不盡... 食唔夠嘅話出面仲有小食咖喱魚蛋、豬紅、鳳爪、醃青瓜，仲有各式蔬菜🥬、丸類、腸仔等。 飲品都係免費，呢度有自家製嘅冰凍竹蔗茅根水，咁晒食完啲咁熱氣嘅嘢可以清熱下。