㷫烚烚 (Closed)

#火鍋控 今次去旺角家樂坊嘅㷫烚烚食超級豐富嘅雞煲海鮮火鍋！一個價錢六種體驗；有前菜、火焰雞煲、養生靚湯、蒸時令海鮮盤、任食火鍋及甜品！新店試業有八八折呀！ 🌶️🍲㷫烚烚雞煲海鮮火鍋放題 $328 第一重：前菜有麻辣皮蛋、酸辣鳳爪同埋炸魷魚三種，辛辣又開胃！第二重：雞煲出場！揀好辣度，set 好timer ，每兩分鐘炒一炒，到10分鐘就有職員過黎加入燒酒再點一點火！wow!香氣立即升華！雞肉份量都幾多，可能自己炒所以覺得特別好味同嫩滑！食完仲可加雞架！第三重：原盎自家製養身老火靚湯，豬骨湯湯頭濃郁，味道甘甜十分暖胃！第四重：登登登登～滿滿一大盤蒜蒸蒸海鮮登場！有鮑魚、蟶子、海蝦、扇貝、魷魚同大蜆，加左辣椒同蒜蓉令海鮮鮮甜味更特出！蒸嘅時間啱啱好，口感爽彈，鮮味十足！第五重：揀好湯底就開始打邊爐啦！我地揀左蝦滑卜卜蜆湯！蜆肉勁大粒厚肉，有D仲釀咗蝦滑；湯頭帶點胡椒香味，夠哂刺激！🥩美國Prime牛肉及五花腩美國Prime牛肉質色澤亮麗，油花均勻，口感嫩滑肉味濃郁；五花腩一煮即淋，肉汁滿滿；🍢自助區有好多火鍋配料，丸類、蔬菜、菇類等；仲有至愛出前一丁及王子麵添！🍮第六重：是日甜品係鮮奶燉桃膠