紅火雞煲 (元州街)

Open Now

Now Closed

雞煲食得多，韓燒食得多，同一時間食晒兩樣嘢都係第一次。喺長沙灣元州邨嘅呢一間紅火雞煲最近引入韓燒雞煲兩食嘅概念，仲要係任食，真係好唔得閒。雞煲非常惹味，醬汁調校得剛剛好，食完雞煲可以加湯變打邊爐，近門口地方有個大雪櫃，蔬菜、丸類自己隨便拎，肉類就寫紙仔廚房攞出嚟，種類非常之多。除咗肉類同雞煲，我哋仲食咗海鮮、餃子，炸魚皮。令我最驚喜嘅係，連罐裝啤酒汽水都任飲。雖然環境食物都唔係奢侈，但係好適合一大班朋友大吃大喝，值得推介。