吞POT 雞煲火鍋.住家菜 (山林道) (Closed)

朋友約去山林道 ( 银座38），吞pot鷄煲火鍋.住家菜食晚飯，餐廳室内設計好有格調，枱同枱又唔會好逼，坐得好舒適。佢地重有個VIP房同露臺，大朋友圈聚會都無問題啦。餐牌好多圖片介绍，鷄煲都有七款，自家制水餃，手打丸同自創爆芝嚮鈴等等，朋友唔食辣，所以揀咗藥膳鷄煲。等咗一陣鷄煲就上枱，聞到好香嘅藥材同花雕酒味，鷄肉煮得啱啱好，非常嫩滑好食。吞pot自創嘅爆芝嚮鈴係即叫即炸嘅，上枱時重系微熱架，我無淥就咁食，非常鬆脆估唔到芝士同腐竹會咁夾，真系好好食。芝心牛丸，要小心啲食如果唔系D芝士會流晒出嚟架！我哋重叫左棉花魚肚，魚肚厚身大大件，菜菜藍，內有幾款新鮮蔬菜，魚肚同蔬菜吸收咗湯嘅精華好好味呀，又唔會嘥左D湯汁。吞pot 啲食物好食又有水凖環境又好，會再來，試下其它款鷄煲，重有再叫爆芝嚮鈴。