龍川雲南米線

Open Now

Now Closed

網上見到食評普遍都係差評，但係都係相信自己條脷最好，所以都係過嚟試一試睇吓自己鍾唔鍾意，點知有驚喜。湯底：胡椒麻辣湯。比起佢淨係麻辣湯，多一種層次係一種暖身回辣既味道，而每一啖湯都會有啲胡椒粒清晰見到，非常足料，所以有得揀嘅話一定揀胡椒麻辣湯。米線：偏硬，甚至係有少少去到生果種程度。雖然米線選項都有一間淋啲，但係預設係咁硬就麻麻地。餸：雞扒炸得非常乾身而且醃得幾入味，唔算滑口果種。招牌腩肉非常出色，肥瘦均勻一半一半，而且醃得非常入味，瘦肉部份都好腍身。春卷同埋鴨血就係都正正常常幾好食，但係冇乜特別。總括而言，冇啲人講得咁難食。俾我會番去再食。