榮式燒雞扒 (Closed)

一直想去此店吃那榮式雞扒. 有一天同事忽然講起孖沙街的三蛋叉飯, 我又搭咀話這裡的雞扒好像很好吃, 誰不知同事經常來! "食字行頭" 的我一拍即合, 星期五滂沱大雨都照來.雖然午飯時間極為大雨, 但門口也有幾個等位的, 幸好一陣就坐了四人檯了.我點了個 "雞藕天成", 有榮式雞扒之餘又有藕餅; 同事就點了個火拼阿粟但拼雞扒. 未幾"雞藕天成"來到, 先吃雞扒, 暖暖的, 雞扒很香, 汁有很大的功勞, 當然手勢也要好, 否則只能變做普通一塊扒了, 藕餅有兩大件, 肉味重一點, 覺得好像有馬蹄多於藕, 不過一樣煎得好味.伴菜除了幾片椰菜外還有蔥和醃菜, 用來送飯真一流.同事的火拼阿粟也不弱, 白汁蓋滿一邊飯碗, 又多料. 雞扒好味, 價錢又夠平, 絕對可以翻炒. 同事原來又是好食之徒, 照理日後大家會繼續出去吃好東西.