雞大哥泰國海南雞 (Closed)

餐廳：雞大哥泰國海南雞地點：油麻地砵蘭街菜式：泰國菜餐牌：海南雞飯，仲有其他飯類，沙律，主菜，小食，粉麵類，甜品，飲品花膠碗仔翅 $30呢度居然有花膠碗仔翅食，真係好特別。花膠碗仔翅大大碗，翅分量好多，伴有唔少爽脆雲耳絲同冬菇片，面頭有兩片薄薄滑溜花膠，香菜好香。味道健康清淡，胡椒粉分量適中。泰式無骨海南雞飯 大 $55無骨海南雞擺得整整齊齊，有雞胸肉同雞脾肉，已經去左骨，雞脾肉好嫩滑，味道清淡，伴有一片青瓜。雞油飯分量好多，雞油味好香。香葉肉碎飯 $40香葉肉碎飯有超多白飯！香葉果然清香，肉碎加上青辣椒碎同紅辣椒一齊送飯真係好食，辣辣地好惹味。芒果糯米飯 $40芒果糯米飯有新鮮芒果肉一大片，糯米飯一大pat同椰汁一兜。糯米飯係暖暖地，質感係perfect，加上香甜椰汁好好味，而芒果肉香甜多汁，配糯米飯食真係好夾。外賣盒pack得實净，方便帶返屋企慢慢享用。