牛の鍋日本料理

Open Now

Now Closed

難得同朋友去到荃灣區食火鍋放題，裏面都幾多人，而且可以自己選擇不同的配料，牛也是任食的，如果選擇淨係食火鍋就平啲，如果火鍋加刺身放題就貴少少，但係因為豐富啲所以大部份人都會揀火鍋放題。除咗火鍋配料之外仲有飲品放題可以自由選擇。刺身和壽司的質素都不錯，刺身我就比較鍾意食甜蝦，整體都幾夠有鮮味。火鍋配料方面選擇多，海鮮可以加入湯底，提升湯底的鮮味。湯底我們選擇了壽喜燒，味道濃郁。牛都有幾款選擇，有肥有瘦任君選擇，花紋分佈都算平均。燒物同埋天婦羅都係熱辣辣，好香脆美味，可惜熱食方面有輕微漏單情況。最正係最後有好多甜品可以食，我哋就選擇咗綠茶芭菲同埋糖水，雪糕都算幾高質素㗎啦！起碼個綠茶味道夠香濃，配料亦都好豐富。而且放題火鍋來講有得食糖水，仲要熱辣辣，價錢又唔係好貴，符合要求。