Video
Read full review
2018-07-26
1088 views
朋友請客, 他選了一間位於灣仔藍屋對面的上樓私房菜。初初聽到個名叫「鋒膳」, 還以為是由謝霆鋒主理的哈哈。呢間餐廳位於一棟住宅大廈內, 街外無乜何招牌, 非常隱秘。唔係朋友介紹, 絕對唔識走上黎食野。呢間餐廳場內唔大, 全部座位大約只有約三十個, 有數張台。但場內服務員算多, 有成四、五個人, 而且禮貌很好。一埋台, 就見到我地今晚的菜單, 朋友一早已經訂好要食乜。小弟很喜歡食海鮮同魚, 見到魚羹更是驚喜。前菜是咸蛋黃牛油果/涼瓜。咸蛋黃醬包著牛油果和涼瓜去炸, 香脆的外皮配上軟淋的食材, 咬落去口感十足。而牛油果很新鮮, 亦無因為高溫油炸而變成糊裝, 反而仍可以保持牛油果的香氣。至於涼瓜, 我覺得與咸蛋黃醬更配。本人對涼瓜一直有些介蒂, 盡量都唔會食。但配上咸蛋黃時, 那種苦味變得溫和, 由咸到甘, 反而襯托出涼瓜的特別。接著就是我最期待的魚羹。在Menu上, 魚羹是需要早一日預訂的。呢樣絕對係食手工。一條魚, 要人手拆肉出黎煮, 不容易係街外食到呀, 更何況呢碗野係用左兩種魚去整。魚羹灑上少少桂花乾, 令湯羹更香。呢碗湯羹, 完全沒有腥味, 只有魚味的鮮甜。加上遼參條, 口感十足。
呢間餐廳位於一棟住宅大廈內, 街外無乜何招牌, 非常隱秘。唔係朋友介紹, 絕對唔識走上黎食野。
呢間餐廳場內唔大, 全部座位大約只有約三十個, 有數張台。
但場內服務員算多, 有成四、五個人, 而且禮貌很好。
一埋台, 就見到我地今晚的菜單, 朋友一早已經訂好要食乜。
小弟很喜歡食海鮮同魚, 見到魚羹更是驚喜。
前菜是咸蛋黃牛油果/涼瓜。咸蛋黃醬包著牛油果和涼瓜去炸, 香脆的外皮配上軟淋的食材, 咬落去口感十足。而牛油果很新鮮, 亦無因為高溫油炸而變成糊裝, 反而仍可以保持牛油果的香氣。至於涼瓜, 我覺得與咸蛋黃醬更配。本人對涼瓜一直有些介蒂, 盡量都唔會食。但配上咸蛋黃時, 那種苦味變得溫和, 由咸到甘, 反而襯托出涼瓜的特別。
接著就是我最期待的魚羹。在Menu上, 魚羹是需要早一日預訂的。呢樣絕對係食手工。一條魚, 要人手拆肉出黎煮, 不容易係街外食到呀, 更何況呢碗野係用左兩種魚去整。魚羹灑上少少桂花乾, 令湯羹更香。呢碗湯羹, 完全沒有腥味, 只有魚味的鮮甜。加上遼參條, 口感十足。呢碗湯, 配上餐廳提供的馬來西亞胡椒粉, 真係令我有好深的印象, 飲完真係想再Encore黎多碗。
至於滑蛋松茸, 我會對於滑蛋致以高度評價。一上碟, 好香蛋味, 呢間餐廳主要用日本蛋。二話不說就夾黎食。一入口, 香滑無比, 充滿蛋味, 唔係本地雞蛋能夠有的味道。加上師傅炒蛋功力極高, 掛住蛋汁上碟, 完全不老。反而松茸比較遜色, 松茸香味不足, 口感亦食得出比較淋身, 似係冰鮮貨。但整體黎講, 呢碟炒蛋絕對唔係隨街做到的貨色。
(又係食左一半先記得影)下一道菜是酸菜石斑, 一黎到已經好香, 大家即刻起勢夾黎食。我唔食得辣, 但呢道酸菜石斑的辣度是可以接受的。湯底很出色, 加入大量花椒, 味道很搶但唔會過份。最出色係石斑, 既入味之餘, 熟度岩岩好。石斑肉完全唔老, 好滑好嫩, 非常新鮮。相信新鮮食材亦係呢間私房菜的重點。但因為太好食, 好快食哂, 唔記得要影相.......
今晚的主飯是煲仔飯, 重點放左係雞油菌同雞樅菌度。兩種菌都係雲南的野生菌, 非常有名, 係香港買到的話亦唔便宜。不過可能因為之前食左酸菜石斑, 味道較濃, 所以之後再食呢個飯時, 係香, 但無乜味。呢個飯最令我深印象係飯焦。香港人食煲仔飯, 一定要有飯焦, 否則我都會懷疑你係咪香港人。佢既飯焦, 亦都健康過人, 既可以做到一塊一塊的脆焦, 但又唔會係黑色的。白色微金的飯焦, 我都係第一次見到, 真係好考師傅的功力。
甜品是木瓜雪耳, 睇落去係平平無奇, 但呢碗糖水一入口係清甜, 係木瓜的甜, 而唔係普通的死甜糖味。更特別的是, 入面有粒白透明色、類似鵪鶉蛋的物體, 但又唔係完全鵪鶉蛋的形狀。問問職員, 原來呢粒係白鴿蛋。佢地用白鴿蛋的原因, 係因為佢完全無膽固醇, 比鵪鶉蛋健康得多。一咬粒蛋, 蛋白部份與平時食的雞蛋白、鵪鶉蛋白的口感完完全全不一樣。平時的蛋白, 煮熟後係實實的口感。但白鴿蛋白, 咬落去係有少少啫喱、 蒟蒻的感覺, 好特別。
(中間白透明個粒就係白鴿蛋)呢間餐廳, 有麝自然香, 唔開係大街, 唔需要招牌, 唔需要宣傳。只需要一班好的廚師。識得搵新鮮的食材, 識得把簡單的食材煮得好, 已經足以令客人留戀。價錢係貴, 但我覺得係完全值得的。
Post
