Video
Read full review
2022-01-05
47 views
放假同朋友去咗將軍澳踩單車🚲，做完運動就食返餐好嘅補充吓。今日沿住海邊踩先知另一邊原來都有唔少餐廳，我哋最終揀咗「ReDivine」。餐廳有著雅致嘅裝修，環境好舒服，適合一班人聚會☺️。稍眼睇以為呢度係食西餐，但其實係食混入咗西式新派元素嘅泰菜。泰式焗豬手($288)，哇焗豬手好大份🐷✋，豬手呢個菜式稱得上係多國菜，唔同地方有唔同整法，其中泰式嘅特色係類似滷水，但就稍經烤焗。豬皮並無德國鹹豬手咁脆，相反皮厚煙韌，充滿骨膠原，食落好稔口。去骨豬手肉食用方便，肉質細嫩有彈性，原味食或沾旁邊嘅汁食一樣咁好味道。不過兩個人食就有啲多，我建議廚師可考慮添加少量配菜，雖然未必係酸椰菜。原隻大魷魚串燒($148)，🦑魷魚用竹籤拮住，咁燒起上嚟就唔會攣弓蝦米。魷魚大大隻，質感軟熟，一啲都唔韌，調味上亦好出色，表層嘅醬料微微辣，帶鹹香，而伴旁嘅酸辣汁則好開胃。炒蒜蓉雜菜($78)，🥦雜菜款式繽紛，包括紅蘿蔔、青瓜、粟米筍、羽衣甘藍、秋葵以及黃青瓜等。雜菜用蒜蓉炒相當惹味，附有菜葉嘅羽衣甘藍係幾款之中最索味，好正。綠西米班蘭蛋糕($98)，店員介紹餐廳專登聘請甜品師傅坐鎮，果然無令人失望👍。甜品色香味俱全，
放假同朋友去咗將軍澳踩單車🚲，做完運動就食返餐好嘅補充吓。今日沿住海邊踩先知另一邊原來都有唔少餐廳，我哋最終揀咗「ReDivine」。
餐廳有著雅致嘅裝修，環境好舒服，適合一班人聚會☺️。稍眼睇以為呢度係食西餐，但其實係食混入咗西式新派元素嘅泰菜。
泰式焗豬手($288)，哇焗豬手好大份🐷✋，豬手呢個菜式稱得上係多國菜，唔同地方有唔同整法，其中泰式嘅特色係類似滷水，但就稍經烤焗。豬皮並無德國鹹豬手咁脆，相反皮厚煙韌，充滿骨膠原，食落好稔口。去骨豬手肉食用方便，肉質細嫩有彈性，原味食或沾旁邊嘅汁食一樣咁好味道。不過兩個人食就有啲多，我建議廚師可考慮添加少量配菜，雖然未必係酸椰菜。
原隻大魷魚串燒
$148
1 views
0 likes
0 comments
原隻大魷魚串燒($148)，🦑魷魚用竹籤拮住，咁燒起上嚟就唔會攣弓蝦米。魷魚大大隻，質感軟熟，一啲都唔韌，調味上亦好出色，表層嘅醬料微微辣，帶鹹香，而伴旁嘅酸辣汁則好開胃。
炒蒜蓉雜菜($78)，🥦雜菜款式繽紛，包括紅蘿蔔、青瓜、粟米筍、羽衣甘藍、秋葵以及黃青瓜等。雜菜用蒜蓉炒相當惹味，附有菜葉嘅羽衣甘藍係幾款之中最索味，好正。
綠西米班蘭蛋糕
$98
2 views
0 likes
0 comments
綠西米班蘭蛋糕($98)，店員介紹餐廳專登聘請甜品師傅坐鎮，果然無令人失望👍。甜品色香味俱全，由蛋糕、柚子雪糕同芒果所組成，每一部份都處理得好好。蛋糕班蘭味香濃💚，頂層加入咗綠西米，質感Q彈好得意。柚子雪糕口感類似雪葩，加埋酸酸哋嘅芒果，冰涼醒神🍨。
總括嚟講，呢間餐廳質素唔錯，富有自家特色。佢同時亦係一間寵物友善餐廳，兼且設有室外座位，可以嚟Chill吓🐶。最後，店員們服務態度友善，仲祝我哋新年快樂！
Post
