駟馬拖車潮州飯店 (東九匯) (Closed)

朋友係呢邊放工，約我黎打冷，話新開d 野唔錯，地鐵站一出行幾步就到，格調幾高級，同我平時食開嘅潮州打冷店好大出入，高級雅緻，適合家庭同商務聚會。一坐低就有花生咸菜同功夫茶上枱，咸菜甜甜酸酸，好開胃，功夫茶香味特出，微甘唔會好苦，竟然有靚茶飲，喉嚨舒服哂。打冷必點滷水鵝片 $168 份量好足，肉質嫩滑，滷水入味唔會過咸，配白醋汁更減油膩感，下面有滷水豆腐片，好滑，正。鵝片肉質嫩滑蠔仔烙 $92 炸得好鬆脆，滿滿肥美蠔仔肉，加埋蔥花芫荽更加香口，啖啖都香脆鮮味。菠蘿炒咕嚕肉 $88 肉質彈牙炸得鬆脆，咕嚕汁甜酸度偏甜，配新鮮爽甜微酸嘅菠蘿同二色椒更加清新。蠔仔粥1碗 $42 份量夠2-3 人分享，有炸脆左嘅方魚熬湯，蠔仔好肥美大粒，湯底好鮮甜，蠔仔好新鮮。今次人均消費約200幾蚊，論格局，食物質素，服務都係中上表現，係性價比高之選。