Hap Coffee

Open Now

Now Closed

如果你願意留港消費，呢一間Hap Coffee我推薦俾大家。星期六下午一點多朋友介紹下嚟到北角渣華道呢間咖啡店食午餐，推門進入，第一眼感覺店舖非常簡潔乾淨，米白色嘅牆身襯托住牆壁藍色嘅標語，環境非常舒適，開放式餐吧及廚房，可以同顧客嘅距離拉近。進入店舖之後職員立刻招呼我哋坐低，遞上一個weekend嘅Menu，放低幾杯水，服務殷勤有禮；點餐之後食物好快送上，味道亦都好有水準，焦糖咖啡嘅拉花真係令我有啲唔捨得放入口，從食物擺盤可以感受得到廚師嘅用心。冇用餐時間限制，食客可以好輕鬆舒服咁享受一餐美味嘅午餐，枱與枱之間能夠保持一定距離，唔會坐得有擠迫感。無論係三五知己閨蜜相聚定係同屋企人聚餐，Hap Coffee 係一個唔錯嘅選擇。