鐘路雞林辣炖雞湯元祖

Open Now

Now Closed

因為唔食辣，所以揀咗唔辣嘅韓式雞肉火鍋，加配芝士年糕，個雞肉火鍋要咗個細size，原來都有一隻雞，而且隻雞一啲都唔細隻。湯滾起就食得，侍應哥哥提我哋要食咗啲年糕先，因為年糕容易黐底。啲雞真係好嫩滑，仲要淥好耐都仍然係滑嘅，真係勁。韓式牛肉好入味，連啲配菜都好食。魷魚章魚棒都唔錯，食到魷魚味，唔會一味得啲粉漿，煎香咗點沙律醬係正嘅。韓式魚糕湯啲腐皮同埋條魚肉春卷都好味道，個湯入面仲有幾條韓式年糕。韓式糖餅又幾好食，煙韌得黎又唔會好甜。