妹豬無激素雞專門店 (Closed)

又到咗每星期最期待嘅觀塘覓食！去咗駱駝漆大廈呢間主打無激素慢煮雞專門店—妹豬，唔知係咪因為新開，所以客人未算好多，但味道真係好好，服務都好殷勤，會回頭🥹慢煮玫瑰油雞飯$88每客雞飯都奉送花生眉豆木瓜無激素雞老火湯一碗，雞湯鮮甜足料，冇落任何味精，有住家感覺！雞飯份量都唔少，雞肉慢煮處理，果然非常嫩滑，最驚喜嘅係呢度嘅雞勁有雞味，平時真係好難食到咁有肉味嘅雞！無激素都食得安心！食雞飯，雞皮都係重點，呢度嘅雞皮嫩滑爽彈，帶有淡淡玫瑰醬油香，好食！飯都加入咗糙米，啱晒追求健康嘅都市人！另外加點咗隻溏心蛋，溏心蛋就有點過熟，唔太流心，時間控制有進步空間