台蔡滷肉飯

Open Now

Now Closed

上週日同阿哥去咗鑽石山嘅台蔡滷肉飯，真係好正台灣feel～餐廳唔算大但坐得幾鬆動，可以聽到旁邊客人用台灣腔講嘢，即刻有種置身台灣夜市嘅錯覺🍜。爆蔥滷肉飯（溫泉蛋）👣👣👣👣呢碗滷肉飯香氣撲鼻，蔥花超多，滷汁濃郁甘香，入口唔會太膩。溫泉蛋流心度啱啱好，拌埋白飯食真係超滿足😎！滷肉本身帶少少甜味，肥瘦比例均勻，軟腍入味，一碗落肚已經好飽足啦～肉鬆起司蛋餅 🚶🏻‍♂️🚶🏻‍♀️  蛋餅皮煎得香脆，起司拉絲效果一流🧀，加上台灣肉鬆增添香口層次感。不過個人覺得蛋餅稍為厚咗少少，如果薄啲可能會更惹味。整體嚟講係一份合格嘅台式小食，趁熱食味道更佳！九層塔鹽酥雞 🚶🏻‍♂️🚶🏻‍♀️🚶🏻‍♂️鹽酥雞炸得外脆內嫩，九層塔香味突出🌿，完全唔會太鹹或太油膩。雞件size適中，咬落去juicy唔乾柴，配上特製椒鹽調味，食完一碟仲想再叫第二碟🥢。台蔡滷肉飯確實做到地道台灣味，份量夠又唔會太貴💰也不用加一，係間值得一試嘅小店。服務態度亦都ok，店員會主動加水添茶🍵。雖然環境簡單，但勝在食物夠真材實料，適合鍾意台式家常菜嘅朋友嚟幫襯😋。