炎天丼 (Closed)

通菜街兩邊真係好多唔同國家嘅餐廳。今次同事就帶咗我哋入一間日本餐廳食。海鮮天丼丼飯一嚟到，就明白同事點解咁堅持想食呢間餐廳。好大份，而且好多天婦羅，有魷魚、蟹肉棒、虎蝦、流心蛋、菜心、茄子同埋蓮藕。全部天婦羅都應該係即炸嘅，夠熱而且好脆。炸粉嘅份量適中，食落脆口得嚟又食到食物嘅口感。海鮮天婦羅 配 富山拌烏冬唔想食飯亦都可以揀麵餐，除咗富山拌烏冬，亦都可以揀蕎麥麵或者冷烏冬。 烏冬嘅質地軟硬適中，醬汁食落酸酸地，非常開胃。