十兄弟車仔麵 (Closed)

車仔麵都算香港嘅特色美食，都係以選擇多、價錢平而出名，而咁啱喺灣仔春園街發現呢間十兄弟車仔麵檔，午餐走左入去試吓。😋😋呢度自選餸多達50幾種，分別有9蚊、10蚊、11蚊同13蚊 嘅自選餸，你仲可以自選麵底同湯底，有選擇困難嘅，仲有六種唔同嘅組合麵比你揀。🤩🤩而我選擇左 雞中翼$28  招牌八寶麵$55 罐裝汽水 $10 辣菜脯 $38雞中翼滷很好入味，一咬就甩骨😚😚，八寶麵嘅料唔少，有牛坑腩、大腸、豬肉等，就咁加上牛骨湯已經好入味👍👍，有少少辣，而中意食辣嘅朋友可自己揀辣度🌶，呢度仲可以加多2蚊，落菜脯，味道爽脆入味，配麵食口感更豐富，中意嘅仲可以買返罐，只係38蚊，純手工製。☺️☺️餐廳雖然喺街邊，但餐廳入邊環境乾淨企理，😙😙充滿港式茶餐廳feel。從外邊望落間舖頭雖然其貌不揚，但入面真材實料，價錢親民，餸菜選擇多，值得一試。