Video
Read full review
2019-01-10
26 views
工作地點浮動，不時需要出中環“扮”工。眾所周知，中環食野真係好貴。身為窮鬼的我，朋友見我周身霉，某日話請我去食好西，感激不盡。係朋友帶領下，才發現中環窄行中係有咁多餐廳，而且唔係普通舊式茶餐廳，而新穎中西日式都有，今次就去左一間裝修陳新既日本壽司店Chotto Maki。去到店員介紹我地自創壽司卷，可以有不同餡料同醬料配搭，自創口味同口感，不過既然朋友請客，就叫左個$98既龍蝦卷試試（似係限定菜式？因為見Menu上冇寫）！龍蝦卷燒三文魚卷好好好好好好好食！燒三文魚大大塊，醬汁同龍蝦肉三文魚肉好夾，加上有魚子係卷物上面，咬落去好有口感，連埋牛油果等等既餡料，成個感覺好Rich，令人好想快d食多舊。另外想讚讚的是卷物大小剛剛好，放哂入口唔會覺得辛苦論盡。雖然lunch黎講龍蝦卷對我唔係平既一餐，但真係想搵日lunch去食多次！卷物外，同朋友Share左幾舊壽司HAMACHI姐係鰤魚，另外有帶子，吞拿魚，三文魚。雖然款式唔多，但鰤魚同帶子好食好食！鰤魚我覺得魚味會較重，肉質唔似其他魚生咁爽，反而有少少似煮左一煮既魚肉口感，幾特別。帶子好厚好厚好厚，好甜好甜好甜，好想食好想食好想食，希望下次黎
係朋友帶領下，才發現中環窄行中係有咁多餐廳，而且唔係普通舊式茶餐廳，而新穎中西日式都有，今次就去左一間裝修陳新既日本壽司店Chotto Maki。
去到店員介紹我地自創壽司卷，可以有不同餡料同醬料配搭，自創口味同口感，不過既然朋友請客，就叫左個$98既龍蝦卷試試（似係限定菜式？因為見Menu上冇寫）！
龍蝦卷燒三文魚卷好好好好好好好食！燒三文魚大大塊，醬汁同龍蝦肉三文魚肉好夾，加上有魚子係卷物上面，咬落去好有口感，連埋牛油果等等既餡料，成個感覺好Rich，令人好想快d食多舊。另外想讚讚的是卷物大小剛剛好，放哂入口唔會覺得辛苦論盡。雖然lunch黎講龍蝦卷對我唔係平既一餐，但真係想搵日lunch去食多次！
卷物外，同朋友Share左幾舊壽司HAMACHI姐係鰤魚，另外有帶子，吞拿魚，三文魚。雖然款式唔多，但鰤魚同帶子好食好食！鰤魚我覺得魚味會較重，肉質唔似其他魚生咁爽，反而有少少似煮左一煮既魚肉口感，幾特別。帶子好厚好厚好厚，好甜好甜好甜，好想食好想食好想食，希望下次黎到保持到水準！
飲料方面，多為日本版的，平時係香港飲唔到。打工仔的我，拎住日本飲料，只好幻想一下身在日本，美食伴我遊。
ちょっと巻き，係呢間鋪既日文名，雖然唔知點解，下次返尋味時去問下店員先！
Post
