溏串小町 (Closed)

大埔人帶我黎呢度食野吹水，黎到呢一間日式小店。門口同裡面裝修都慘透日本串燒店風味，氣氛好好，QR code落order，小店黎講都幾特別。入座後店員就奉上枝豆，又香又岩feel！原條照燒鰻魚$128，好大份，呢個價錢非常抵食。香噴噴又惹味，熱辣辣好正！點會少得串燒呢？呢度有日本雞腎食，$48就可以食到，開邊雞中翼$28、香菇$18，每樣串燒都香噴噴之餘食得到食物嘅原味，唔會得個咸字。日式醬油炒雜菜$38，望住木魚絲飄下飄下真係好治癒，除左平時嘅椰菜，仲有菜肉瓜同埋秋葵，大大碟又惹味！呢度除左有串燒，仲有刺身壽司。最後食埋壽司拼盤$98，有6件時令壽司，飽哂！