籽泰 (Closed)

老婆見我去開四小龍嗰邊，要我去藍天碧海嘅Aeon 買嘢，當然冇得say no啦😂。行行下發現有間“籽泰”，正好想食個晚飯😅，於是走入去試下。生蝦刺身 $90有一段時間冇食過，梗係要叫一碟啦。生蝦🦐新鮮，肉質結實，加上蒜片🧄及自家製酸辣汁一齊食，更加提味又好食😋。豬肉碎生菜包(配辣椒花及豬皮) $98生菜🥬新鮮，🐖肉碎味道辣辣地又帶肉香，配上秘製醬汁，酸酸地特別醒胃又解膩😋。食完這一份豬肉碎生菜包，已經有半飽嘅感覺，因為份量實在非常多😆。泰北咖哩牛腩黃金麵 $88咖哩汁湯底味道剛剛好，咖哩味唔會好濃。牛腩🐂煮得夠淋，一咬即散開😋。面麵底係粗麵，有少部分是炸麵，浸個湯底後，連同煮過嘅麵一齊食，口感軟硬分明，好特別🥰。青檸梳打 $32冰冰涼涼又帶青檸酸味，既解渴又解膩😋。總括而言，價錢實惠，座位闊落舒服，食物質素好，不過店舖位置比較隱蔽😆，差不多由Aeon正門口行到最入面先可以搵到。