入面係omakase格局，可以望住兩位師傅燒串燒下廚
除咗串燒，另有佐酒小食、壽司、刺身、烏冬／飯團
5
▶️ 燒明太子 ($78)
平日少食原條明太子🙈成條腸仔咁
入面一粒粒，口感得意，微微辛辣
本身偏鹹，所以配搭清新青瓜片一齊入口🥒
▶️ 鮮魚薄切- 油甘魚 ($188)
切到非常薄身，肉質唔韌
本身冇咩味道，好靠佢個醬汁
配有柚子同香蔥，唔會太鹹👍🏻
1
▶️ 雞皮蝦 ($168)
呢個超級特別，功夫甚多
一隻手板咁長嘅新鮮大蝦，外面包住紫蘇葉、明太子、雞皮，再攞去燒
本身蝦已經肉質爽彈🦐燒完保持Juicy
配上薄過紙嘅雞皮，入口脆卜卜
紫蘇葉同明太子就令味道更加豐富百變
貴啲但值得一試，差唔多個個嚟到都叫返隻
▶️ 免治雞肉棒 ($48)
免治雞肉棒混入雞軟骨，咬落爽脆
整體質感似肉丸
個蛋黃成個太陽咁🌇配上醬油
攪勻嚟食，沾滿雞肉棒
▶️ 蒜香牛肉金菇卷 ($48)
薄切牛肉多汁唔肥膩🥩金菇一梳易咬
呢個配搭有口感層次，好食
▶️ 牛舌心 ($68)
平時唔太食牛舌，不過都試吓啦
咬落韌韌地👅質感似和牛
入口爆油脂，配上鹽燒調味，相當惹味
▶️ 豚肉秋葵卷 ($38)
薄切豚肉比較肥🐷
不過配清脆秋葵就ok，減低油膩感
▶️ 鹽燒豬肋條 ($38)
自己覺得麻麻哋，豬肋肉較韌難咬
調味亦唔特別
▶️ 鹽燒雞肉串 ($38)
雞肉鮮嫩多汁，但係都冇話特別好味
▶️ 燒飯團 ($38)
望住個飯團燒咗好耐，燒到360度零死角焦脆😻
外圍已變成飯焦，脆卜卜好正🍘
本身係醬油口味，仲有好多櫻花蝦，夠鹹香
用乾身紫菜包住食，方便食用
呢個都好值得叫～
▶️ 醬油小烏冬 ($48)
望似普通但味道同一般鰹魚湯烏冬有分別
烏冬粗身煙靭彈牙🍜
湯底淡淡地偏甜，配上大量青蔥海帶
面頭仲有一塊塑湯大腐皮
想食啲carbs/暖物可以叫返碗烏冬
-
個人最欣賞係「雞皮蝦」同「燒飯團」😋
「牛舌心」同「牛肉金菇卷」都唔錯，不過豚肉類就麻麻哋
服務幾好，即叫即制但製作過程無需等好耐
環境有私隱度而且幾高檔，適合拍拖或敘舊🗣️
埋單大概$450/人，當食omakase差唔多
