AGE Cuisine Express

Open Now

Now Closed

原來鰂魚湧/太古附近都有高質素工廈美食，呢間AGE Cuisine Express坐落於太古站附近，步行僅需三分鐘，交通非常方便。餐廳環境十分舒適，價錢相宜，食物質素都好好，非常適合同一大班朋友聚餐。 今次我地兩個人點左12寸松露風乾火腿薄餅、海膽香煎帶子海鮮汁意大利粉伴香蔥蛋醬，仲有甜品傳統意大利芝士撻。🍕松露風乾火腿薄餅薄餅皮薄而酥脆，餡料好豐富多樣，水牛芝士、蘑菇、蒜片、巴馬火腿片層層疊加，上面鋪上芝麻菜，口感層次分明，味道鹹香又不失清新。配上番茄同黑松露醬、簡直係perfect，令我地完全停唔到口。 🍝 海膽香煎帶子海鮮汁意大利粉海鮮嘅鮮同意大利粉嘅Q彈完美結合，香煎嘅帶子外酥内嫩，帶子都好鮮甜。 而濃郁嘅海鮮汁同香蔥蛋醬令整道菜嘅口感層次更加豐富，每一啖都好滿足。 🥧意大利芝士蘋果撻甜品我點左傳統意大利芝士蘋果撻，伴碟非常精緻，芝士蘋果撻外皮酥脆，內裡芝士加埋蘋果醬，甜而不膩，中意芝士蘋果撻嘅人唔好錯過。