餐廳喺形薈地下，環境乾淨企理，座位舒服，價錢超級大眾化，而家仲有當造蟹粉菜式，即刻去試啦！
1. 薏米水：侍應話係自家煲，足料唔太甜，清熱又好飲 👍
2. 口水雞：雞肉嫩滑，辣油香麻，超級開胃 🔥
3. 小籠包：新鮮熱辣，一咬爆湯，湯汁滿分 🥟
4. 紅燒獅子頭：冬菇墊底＋菜苗，肉汁濃郁，軟糯入味 😍
5. 蟹粉拌意粉：蟹粉多到誇張，蟹肉滿滿，意粉掛汁一流，當造蟹粉真係無得頂 🦀
6. 乾煨四季豆：上海經典甜辣版，豆香＋微焦超香
7. 芝麻煎堆：即叫即炸，外脆內流心芝麻餡，完美Ending！🥮
埋單見到張單真係震驚！食咗咁多道靚菜（包括蟹粉）竟然咁大眾化價錢，難怪米芝蓮年年都推介，性價比爆燈！
筲箕灣隱世上海菜天花板，蟹粉迷必試！下次一定要再拉隊嚟食其他菜式！⭐️⭐️⭐️⭐️⭐️🎉
1
